राजनीति
भोटेकोशी बाढी संकट समाधानबारे प्रधानमन्त्रीले लिए सुरक्षा प्रमुखहरुबाट ब्रिफिङ
सोमबार, भदौ १५, २०८३ २०:१८
काठमाडौँ । प्रधानमन्त्री वालेन्द्र शाहले रसुवाको भोटेकोशी नदीमा आएको बाढीबाट उत्पन्न संकटको समाधानका लागि सुरक्षा निकायका प्रमुखसँग परामर्श तथा जानकारी लिने क्रम जारी राखेका छन् ।
प्रधानमन्त्री शाहले केहीबेरअघि प्रधानसेनापति अशोकराज सिग्देलसँग हालसम्म भएका खोज, उद्धार, राहत वितरण तथा प्रभावित क्षेत्रको व्यवस्थापनसम्बन्धी गतिविधिबारे ‘ब्रिफिङ’ लिएको प्रधानमन्त्रीको प्रेस तथा अनुसन्धानविज्ञ दीपा दाहालले जानकारी दिइन् ।
प्रधानसेनापति सिग्देलसँगको छलफलपछि प्रधानमन्त्रीले सशस्त्र प्रहरी बल, नेपालका महानिरीक्षक नारायणदत्त पौडेलसँग पनि बाढी प्रभावित क्षेत्रमा भइरहेको खोज तथा उद्धार र राहत व्यवस्थापनबारे जानकारी लिने कार्यक्रम रहेको बताइएको छ ।
त्यस्तै, नेपाल प्रहरीका महानिरीक्षक दानबहादुर कार्कीसँग पनि प्रधानमन्त्री शाहले आजै बाढीपछिको सुरक्षा, खोज तथा उद्धार र राहत व्यवस्थापनका सम्बन्धमा ‘ब्रिफिङ’ लिने कार्यक्रम रहेको छ ।
प्रकाशित मिति: सोमबार, भदौ १५, २०८३ २०:१८
प्रतिक्रिया दिनुहोस्
थप राजनीति
राहत नपाएको स्थानीयको गुनासो
मंगलबार, भदौ १६, २०८३
एमालेद्वारा सचिव बस्नेतको संयोजकत्वमा राहत, उद्धार र पुनर्निर्माण समिति गठन
सोमबार, भदौ १५, २०८३
राष्ट्रपति पौडेललाई बाढीबारे रास्वपा सभापति लामिछानेको ब्रिफिङ
सोमबार, भदौ १५, २०८३साताको लोकप्रिय
