एनआईसी एसिया बैंकका ग्राहकलाई ओम रिट्रिटमा छुट सुविधा

काठमाडौं (संवाददाता)– एनआईसी एसिया बैंकका ग्राहकहरूले मकवानपुरको थाहानगरस्थित ओम अध्याय रिट्रिटका सेवामा विशेष छुट सुविधा पाउने भएका छन् । त्यसका लागि रिसोर्ट व्यवस्थापन र बैंकबीच सम्झौता भएको छ । सम्झौताअनुसार ओम अध्याय रिट्रिटमा सेवा लिई डिजिटल भुक्तानी गर्दा १५ प्रतिशतसम्म छुट प्राप्त गर्न सकिने बैंकले जनाएको छ । 
 
बैंकका ग्राहकहरूले रिसोर्टमा सेवा लिँदा प्याकेजमा १५ प्रतिशतसम्म छुट प्राप्त गर्नेछन् भने खाना तथा पेयपदार्थमा १० प्रतिशत छुट सुविधा रहनेछ । सुविधाको उपयोग गर्न ग्राहकहरूले एनआईसी एसिया बैंकको डेबिट कार्ड, क्रेडिट कार्ड वा प्रिपेड कार्ड प्रयोग गरी वा मोबैंक एपमार्फत भुक्तानी गर्नु पर्नेछ । उक्त रिसोर्टसँगको यो सहकार्यले ग्राहकहरूलाई छुट सुविधा उपलब्ध हुनुको साथै मुलुकको डिजिटल भुक्तानी सेवालाई प्रवर्धनमा सहयोग पुग्ने विश्वास बैंकले लिएको छ । सहायक प्रमुख कार्यकारी अधिकृत अर्जुनराज खनियाले बताएका छन् ।