जर्जियामा ‘युसीएमएएस’ प्रतिस्पर्धा सम्पन्न, नेपाली विद्यार्थीलाई उत्साहजनक सफलता

काठमाडौं । जर्जियामा भएको ‘UCMAS इन्टरनेशनल कम्पिटिसन’मा नेपालबाट सहभागि भएका ६ विद्यार्थी र टिमले उत्साहजनक सफलता प्राप्त गरेका छन् । 

स्यु विश्वविद्यालयले आयोजना गरेको प्रतिस्पर्धामा ‘भिज्योल विधाको ए वान समूहमा प्रतेन खत्री, जी समूहमा आराध्या राजकर्णिकार सेकेन्ड रनर अप, विश्वास गुरुङ थर्ड रनर अप भए भने टिम नेपालले समग्र प्रतिस्पर्धामा काश्य जितेको छ । 

काश्य जित्ने समूहमा प्रतेन कार्की, विश्वास गुरुङ, आराध्या राजकर्णिकार र विशेषता लक्ष्मी गुरुङ छन् । ए टु समूहमा आराध्या थर्ड रनर अप भइन् भने ए टु समूहमा उपलक्ष्य शाक्य पनि थर्ड रनर अप भए । समूह इ मा प्रकृति गुरुङ थर्ड रनरअप भइन् । 

प्रतिस्पर्धामा सहभागी विद्यार्थीहरुलाई स्यु विश्वविद्यालयले उच्च शिक्षाका लागि छात्रवृत्ति प्रदान गर्ने घोषणा पनि गरेको छ । विश्वका विभिन्न ५१ मुलुकका विद्यार्थीले प्रतिस्पर्धामा भाग लिएका थिए । 

स्यु युनिभर्सिटीले गरेको UCMAS  प्रतियोगिता अन्तर्राष्ट्रिय एबेकस तथा मानसिक गणित प्रतियोगिता हो । यस प्रतियोगितामा विश्वभरका हजारौँ युवा गणित प्रतिभाहरू सहभागी भई विभिन्न चुनौतीहरूमार्फत आफ्नो एकाग्रता, गति र मानसिक गणनाको सीप प्रदर्शन गरेका छन् ।