पालो प्रबलीकरणको

काठमाडौंको सुन्धारास्थित बागदरबारको प्रबलीकरण (रेट्रोफिटिङ) गरिँदै । पहिले यहाँ महानगरपालिका कार्यालय थियो । कार्यालय कमलादी सरेपछि सुन्धारास्थित बागदरबारमा महानगर प्रहरी बसिरहेको छ । निकै पुरानो भवन भएकाले कतै भत्केको कतै चर्किएको छ । बागदरबार २०७२ सालको भूकम्पले जीर्ण बनेको हो । यसलाई भत्काएर नयाँ बनाउने वा प्रबलीकरण गर्ने भन्ने छलफल लामो चलेको थियो । अन्ततः प्रबलीकरण गर्ने सहमति भएपछि अहिले काम भइरहेको छ । प्रबलीकरणको ठेक्का ३६ करोड ९० लाख रुपैयाँमा तीन वटा कम्पनीले संयुक्त रुपमा लिएका छन् । गत मंसिर १५ मा सम्झौता भएको ठेक्काको समयावधि २०८४ मंसिर १५ सम्म छ । तस्बिर : सफल प्रकाश श्रेष्ठ/नेपाल फोटो लाइब्रेरी