गोदरेजको २३४ लिटरको डबल डोर रेफ्रिजरेटर बजारमा

काठमाडौं । नेपाल–भारतको प्रतिष्ठित बहुराष्ट्रिय कम्पनी गोदरेज ग्रुपअन्तर्गतको घरेलु उपकरण ब्रान्ड गोदरेज अप्लाइन्सेसले नेपाली बजारमा २३४ लिटर क्षमताको नयाँ डबल डोर रेफ्रिजरेटर ल्याएको छ । नेपाली परिवारको दैनिक आवश्यकता, स्थानीय जलवायु तथा जीवनशैलीलाई ध्यानमा राखेर डिजाइन गरिएको यस नयाँ मोडेलले उन्नत स्वास्थ्य सुरक्षा र ऊर्जा दक्षता प्रदान गर्ने कम्पनीले जनाएको छ ।
‘गोदरेज आरटी जीएफई २५०’ नामक मोडेलले नेपालमा हुने विद्युत् उतारचढाव, खाना संरक्षणका चुनौती तथा स्वास्थ्य सुरक्षासम्बन्धी आवश्यकतालाई सम्बोधन गर्ने लक्ष्य राखेको छ । २३४ लिटर क्षमताको यो रेफ्रिजरेटर मध्यम आकारका नेपाली परिवारहरूको हप्ताभरिको खाद्य सामग्री भण्डारणका लागि उपयुक्त हुने दाबी गरिएको छ ।
उक्त रेफ्रिजरेटरमा ब्युल्ट इन स्टेबलाइजर जडान गरिएको छ । जसले अनियमित भोल्टेजबाट स्वचालित सुरक्षा प्रदान गर्दै उपकरणको आयु बढाउने र मर्मतसम्भारको झन्झट कम गर्ने कम्पनीको दाबी छ । साथै, ‘एन्टी–बी’ प्रविधिले खाद्य सामग्रीलाई हानीकारक जीवाणुबाट जोगाउँदै स्वास्थ्य सुरक्षामा सहयोग पु¥याउने दाबी गरिएको छ ।
भण्डारण सुविधातर्फ यसमा तीनवटा टफेन्ड ग्लास सेल्फ, १८ लिटर क्षमताको भेजिटेबल बास्केट तथा २.५ लिटर क्षमताको बोतल सेल्फ उपलब्ध छन्, जसले विभिन्न प्रकारका खाद्य सामग्री व्यवस्थित रूपमा राख्न सहज बनाउने कम्पनीले जनाएको छ ।
ऊर्जा दक्षताका लागि यस मोडेलले कम विद्युत् खपतका साथ वातावरणमैत्री प्रदर्शन दिने कम्पनीले जनाएको छ । १.४४ मिटर उचाइ, ५९.७२ सेन्टिमिटर चौडाइ र ६९.५० सेन्टिमिटर गहिराइ रहेको स्लिम डिजाइनका कारण सानो भान्साघरमा समेत सजिलै अट्ने बताइएको छ ।
यो डबल डोर रेफ्रिजरेटर नेपालभर उपलब्ध रहेको जानकारी दिइएको छ । नेपालका लागि सिजी इलेक्ट्रोनिक्स आधिकारिक वितरक रहेको र कम्पनीले देशव्यापी वितरण सञ्जाल तथा गुणस्तरीय सेवा उपलब्ध गराउँदै आएको जनाएको छ ।