विपद् उद्धारका लागि सशस्त्र प्रहरीलाई सन नेपाल लाइफको सहयोग

काठमाडौं । सन नेपाल लाइफ इन्स्योरेन्स कम्पनी लिमिटेडले आफ्नो संस्थागत सामाजिक उत्तरदायित्व (सीएसआर) कार्यक्रमअन्तर्गत सशस्त्र प्रहरी बल नेपाललाई विपद् व्यवस्थापन तथा उद्धार कार्यमा प्रयोग हुने विभिन्न सामग्री हस्तान्तरण गरेको छ । सशस्त्र प्रहरी बल नेपाल प्रधान कार्यालयमा आयोजित कार्यक्रममा कम्पनीका निमित्त प्रमुख कार्यकारी अधिकृत कवि फुयालले सशस्त्र प्रहरी अतिरिक्त महानिरीक्षक गणेशबहादुर ठाडा मगरलाई उद्धार सामग्री हस्तान्तरण गरेका हुन् । कार्यक्रममा सशस्त्र प्रहरी बलका उच्च पदस्थ अधिकारीहरू, कम्पनीका प्रमुख बजार अधिकृत गणेश चौलागाईं तथा बालाजु शाखा प्रमुख मदन खतिवडालगायतको उपस्थिति रहेको थियो । कार्यक्रममा सशस्त्र प्रहरी अतिरिक्त महानिरीक्षक ठाडा मगरले प्राप्त सामग्रीले विपद् उद्धार टोलीको कार्यक्षमता अभिवृद्धि गर्न तथा कठिन परिस्थितिमा नागरिकको ज्यान बचाउने अभियानलाई थप प्रभावकारी बनाउन सहयोग पुग्ने विश्वास व्यक्त गरे । उनले विपद् व्यवस्थापनमा सहयोग पु¥याएको भन्दै कम्पनीप्रति आभारसमेत व्यक्त गरे । कम्पनीका निमित्त प्रमुख कार्यकारी अधिकृत फुयाँलले सशस्त्र प्रहरी बल देशको विपद् व्यवस्थापन तथा उद्धार कार्यमा अग्रपंक्तिमा रहेर काम गर्ने सुरक्षा निकाय भएको उल्लेख गर्दै बिमा व्यवसाय पनि नागरिकको सुरक्षा र जोखिम व्यवस्थापनसँग प्रत्यक्ष रूपमा जोडिएको बताए । उनले विपद्पछिको राहतमा मात्र नभई पूर्वतयारीलाईसमेत सुदृढ बनाउन योगदान पु¥याउने उद्देश्यले आपत्कालीन जोखिम व्यवस्थापनका लागि आवश्यक सामग्री उपलब्ध गराइएको स्पष्ट पारे । सन नेपाल लाइफले हाल देशभरका १५० शाखा तथा उपशाखामार्फत जीवन बिमा सेवा प्रदान गर्दै आएको छ । शिक्षा, स्वास्थ्य तथा जोखिम व्यवस्थापनका क्षेत्रमा सामाजिक उत्तरदायित्वका कार्यक्रम सञ्चालन गर्दै आएको कम्पनीले आगामी दिनमा पनि यस्ता सामाजिक अभियानलाई निरन्तरता दिने प्रतिबद्धता जनाएको छ ।